Lirik Lagu Minang (Tugas Kelompok)

Talambek Pulang

Cipt. Imran Boer

Yo mandeh, antah jo apo denai baleh
Kami barampek mandeh gadangkan
Jo saba hati mandeh adokan
Bareh sagantang nan ka batanakkan
Upah manuai manumbuak padi urang
Lah tibo, masonyo denai pulang ka kampuang
Japuik mandeh den baok tabang
Paubek sakik salamoko
Kini tibo masonyo kami sanangkan
Pambangkik lukah salamoko nan tabanam
Liku baliku jalan kabaruah
Sinan marantak si kudo bendi
Janjang patah pintu lah rubuah
Den imbau mandeh indak babunyi
Mandeh ampunkan kami nan talambek pulang (ucapan penutup)

 

Biduak Malang

Cipt. Alextri Chaniago

Patah kamudi nan jo pandayuang
Biduak den kini
Pulau di jalang nan jauah pulo
Badai indak namuah nyo rado
Bilo ka sampai ka subarang
Biduak den sansai di galombang

Kironyo adiak nan den cinto kini tagamang
Kok di tompang biduak denai ko
Ragu sampainyo ka muaro
Adiak baraliah ka sampan urang
Takuik ka karam jo biduak malang

Tasisiah, tabuang, diri ko di galombang cinto
Malengah oi adiak kini ko lah mambuang muko
Oh Tuhan Kuaso Nan Kayo tolong denai nangko
Hayuikkan, antakan, sampaikan denai ka muaro
liriklaguminang.blogspot.com
Nak tajajak juo denai jo tanah tapian
Untuak paubek hati nan sadang ibo

Kironyo adiak nan den cinto kini tagamang
Kok di tompang biduak denai ko
Ragu sampainyo ka muaro
Adiak baraliah ka sampan urang
Takuik ka karam jo biduak malang

Tasisiah, tabuang, diri ko di galombang cinto
Malengah oi adiak kini ko lah mambuang muko
Oh Tuhan Kuaso Nan Kayo tolong denai nangko
Hayuikkan, antakan, sampaikan denai ka muaro
liriklaguminang.blogspot.com
Nak tajajak juo denai jo tanah tapian
Untuak paubek hati nan sadang ibo

 

Takicuah di Nan Tarang

Cipt. Dasri Syahira

Tigo tahun lah denai nanti
Den siram bungo patang jo pagi
Tapi apo nan tajadi
Bungo den siram kambang tak jadi

Bamulo cinto tumbuah di hati
Adiak bajanji ndak ka bapisah lai
Tapi apo nan tajadi Diak
Sabana padiah hati di dutoi

Apo salah Denai Diak kanduang
Apo doso Denai batinggakan
Manga pinangan urang nan batarimo
Takuik jo Denai.. Adiak ka sangsaro

Hilang di nan kalam mungkin biaso
Takicuah di nan tarang hati taibo
Kamano malu Diak kanduang
Ka Denai bao

Bamulo cinto tumbuah di hati
Adiak bajanji ndak ka bapisah lai
Tapi apo nan tajadi Diak
Sabana padiah hati di dutoi

Apo salah Denai Diak kanduang
Apo doso Denai batinggakan
Manga pinangan urang nan batarimo
Takuik jo Denai.. Adiak ka sangsaro

Hilang di nan kalam mungkin biaso
Takicuah di nan tarang hati taibo
Kamano malu Diak kanduang
Ka Denai bao
Kamano malu Diak kanduang
Ka De..nai.. bao..

 

Aie Mato Mande

Cipt. Syahrul Tarun Yusuf

Jiko malam tibo
Sayuik tadanga isak jo tangih
Ratok tangih hati nan tingga
Badan baduo tingga surang

Sadiah...
Tinggalah mandeh baurai aie mato
Oi kanduang
Tinggalah mandeh baurai aie mato

Sampai hati ayah bajalan
Larek di ladang urang parak kito lah rimbo
Sakik sanang kami jo mandeh
Manyambuang hiduik hanyo mandeh

Sadiah...
Ganti ayah hanyo aie mato mandeh
Oi kanduang
Tinggalah mandeh baurai aie mato

Jiko malam tibo
Sayuik tadanga isak jo tangih
Ratok tangih hati nan tingga
Badan baduo tingga surang

Sadiah...
Tinggalah mandeh baurai aie mato
Oi kanduang
Tinggalah mandeh baurai aie mato

Sampai hati ayah bajalan
Larek di ladang urang parak kito lah rimbo
Sakik sanang kami jo mandeh
Manyambuang hiduik hanyo mandeh

Sadiah...
Ganti ayah hanyo aie mato mandeh
Oi kanduang
Tinggalah mandeh baurai aie mato

Mandeh...
Usahlah mandeh manangih juo..
Hapuihlah sudah aie mato mandeh
Hapuihlah sudah aie mato mandeh..

 

Talambek Salangkah

Cipt. Alextri Chaniago

Talambek iyo salangkah

Talambek denai malangkah

Kiniko uda alah bapunyo

Manyasa denai kasudahan nyo

Dek ulah ragu talampau lamo

Malapeh hao denai jadinyo

Dek ulah ragu talampau lamo

Malapeh hao denai jadinyo

Talambek iyo salangkah

Talambek denai malangkah

Jikok batamu malu rasonyo

Didalam hati sabana ibo

Dek ulah ragu talampau lamo

Malapeh hao denai jadinyo

Dek ulah ragu talampau lamo

Malapeh hao denai jadinyo

Uda dipandang pandang

Tambah lamo batambah gagah juo

Kini apo kadayo...

Lah lapeh kijang karimbo        

Lah lapeh kijang karimbo

Marawa

Cipt. Sexri Budiman

Marawa di alek gadang
Manga baganti jo kain hitam
Barek kaki Den langkahkan
Badan raso tak batulang
Adiak tabujua di muko palaminan

Den himbau-himbau indak manjawek
Mato tapiciang tangan balipek
Dendang baganti, baganti jo ratok tangih
Lah ka disuntiang nan kuniang ameh
Ka dipakaikan ka anak daro
Bapisah kito bapisah sabalun basandiang

Den arok baarak sabaliak kampuang
Kironyo baarak ka pusaro
Den arok baarak sabaliak kampuang
Kironyo baarak ka pusaro

Marawa di alek gadang
Manga baganti jo kain hitam
Barek kaki Den langkahkan
Badan raso tak batulang
Adiak tabujua di muko palaminan

Den himbau-himbau indak manjawek
Mato tapiciang tangan balipek
Dendang baganti, baganti jo ratok tangih
Lah ka disuntiang nan kuniang ameh
Ka dipakaikan ka anak daro
Bapisah kito bapisah sabalun basandiang

Den arok baarak sabaliak kampuang
Kironyo baarak ka pusaro
Den arok baarak sabaliak kampuang
Kironyo baarak ka pusaro

Den arok baarak sabaliak kampuang
Kironyo baarak ka pusaro
Den arok baarak sabaliak kampuang
Kironyo baarak ka pusaro

Mati Raso

Cipt. RE. Odong

Usahlah Denai Uda salahkan
Uda bana nan mungkia janji
Dalam baiyo baindakkan
Dek arok Uda mamatiak bulan
Bungo di tangan Uda lengahkan

Padiahnyo luko Denai rasokan
Uda manari babuai sanang
Manjalin kasiah di baliak awan
Tinggalah Denai balangang-langang
Bialah luko Den baluik surang

Batahun Denai Uda lupokan
Bak cando batu jatuah ka lubuak
Manga kok kini Uda datang nyatokan cinto
Ka diri Denai nan dulu Uda lupoi

Alah talambek Da nyatokan cinto
Sungguahpun Denai Da alun bapunyo
Di hati nan ko Da lah mati raso
Dek Uda juo ndeh, mangko co iko

Batahun Denai Uda lupokan
Bak cando batu jatuah ka lubuak
Manga kok kini Uda datang nyatokan cinto
Ka diri Denai nan dulu Uda lupoi

Alah talambek Da nyatokan cinto
Sungguahpun Denai Da alun bapunyo
Di hati nan ko Da lah mati raso
Dek Uda juo ndeh, mangko co iko

Maafkan Denai Diak, lahia jo bathin
Nyampang taluko Diak di dalam dado
Tarimo cinto diak, nan sakali ko
Denai rubah Diak parangai lamo

Alah talambek Da nyatokan cinto
Sungguahpun Denai Da alun bapunyo
Di hati nan ko Da lah mati raso
Dek Uda juo ndeh, mangko co iko

Nyao Pulang Ka Badan

Cipt. Sexri Budiman

Mungkin dek untuang nan indak ado

Ba urak raso jalinan cinto

Kini lah lamo maso balalu

Lah habih lah hilang rindu

Kini lah lamo maso balalu

Lah habih lah hilang rindu

Ndak di sangajo kito batamu

Dingin badan ko taraso kaku

Den jawek salam mato balinang

Dunia taraso baguncang

Den jawek salam mato balinang

Dunia taraso baguncang

Raso nyawo pulang ka badan

Raso iduik aruah nan hilang

Walau barek raso di dado

Lah den kubua carito lamo

Kadalam den raguak tangih

Dilua lai galak juo

Kok cinto ndak namuah abih

Den kukuik malah hati ko

Kadalam den raguik tangih

Dilua lai galak juo

Kok cinto ndak namuah abih

Den kukuik malah hati ko

Ragam Parantauan

Cipt. Alextri Chaniago

Lai den cubo batenggang

Ka awan hitam

Galokan paneh nan garang

Satitiak ka satitiak aia

Den tampuang juo

Di cawan taserak pulo

Ragam dirantau bamacam

Panangguangan

Lah nasib untuang dibadan

Kok dihetong tantang rasaki

Dapek patang hilangnyo pagi

Ka baa bana den tampuah juo

Pado den pulang indak barono

Mandeh tampak jaleh diruang mato

Kampuang sampai mati indak den lupo

Satinggi tinggi tabangnyo bangau

Kok babaliak lai ka kubangan juo

Jauhnyo kini denai dirantau

Kok taragak kapulang kampuang juo

 

Kasiah Jo Mande

Cipt. Jotha RG

Den tinggakan kampuang halaman
Den tinggakan mande nan kanduang
Padiah hati raso manikam
Dek dihino urang di cinto

Baa bana padiahnyo hiduik
Usah mande baurai tangih
Rantau urang nan denai hadang
Doa mande untuak parisai

Tabayang mande di sawah urang
Basah bahujan batuduang daun pisang
Manangih badan ndak takatokan
Di sawah urang mande hiduik jo baregak

Ramuak radam di dado
Raso mambunuah diri ondeh malang..
Kasiah hati pun putuih
Tinggalah denai sansaro

Hai baa bana padiahnyo hiduik
Usah mande baurai tangih
Rantau urang nan denai hadang
Doa mande untuak parisai

Tabayang mande di sawah urang
Basah bahujan batuduang daun pisang
Manangih badan ndak takatokan
Di sawah urang mande hiduik jo baregak

Ramuak radam di dado
Raso mambunuah diri ondeh malang..
Kasiah hati pun putuih
Tinggalah denai sansaro

Ramuak radam di dado
Raso mambunuah diri ondeh malang..
Kasiah hati pun putuih
Tinggalah denai sansaro